一大班朋友出泥，當然要搵間好食兼坐得耐既餐廳，share一下大家近況啦！朋友提議吃泰國菜，上網一search之下發現「阿來泰式地道風味」是新開的，而且評語不錯，位置也非常就腳，朋友們也一致贊成，就決定一試！
店內坐無虛席，但由於已預先訂位，到埗後也不用多等便可安排入座。（建議大家可先訂位，假期期間人客較多）
我們點了一個二人餐（$298），當中包括泰式海南雞（例牌）、生蝦刺身、泰式肉碎生菜包、飛天通菜、油飯2碗、飲品2杯。
飲品方面選了青檸梳打和椰汁三色冰。青檸梳打放了三片青檸，非常慷慨。三色冰的馬蹄粒粒非常清爽，椰汁味帶咸味，咸甜交替，非常特別。
冬蔭公湯（小）（$68）大約可分成4碗飯碗，材料有菇菌、蕃茄、檸檬葉、蝦、其他香料等，我們一人試一點也夠分，鮮蝦彈牙爽口，惹味開胃，香料味道突出，不會太酸或過辣，味道剛剛好。
生蝦刺身跟餐一份有6隻，蝦肉厚身肥美，上面還有蒜蓉和辣椒，沾上惹味開胃的酸汁，辣得好過癮！
泰式海南雞（例牌）點少得配埋2碗油飯，想不到例牌份量也能足夠應付我們幾個大胃王。肉質鮮嫩的海南雞很香，油飯夠煙韌，自家製的海南雞醬也很出色，還慷慨地給了兩小碟。
泰式肉碎生菜包做得頗為出色，肉碎鮮嫩多汁，香料味道突出，與肉碎融為一體很香，連埋生菜一齊食可中和膩感。
飛天通菜爽嫩翠綠，咸香的通菜用上蒜蓉和豆醬炒成。這個通菜正好為這頓晚餐中和一下，補充一下營養。
咖哩炒蜆（$88）中用上大花甲炮製而成，肉質新鮮肥美。咖哩汁非常出色，味道不辣，卻很惹味。
咖哩汁撈蒜蓉包（$25）/白飯食一流。
泰式炸蝦餅（$68）一份有6件，蝦膠夠厚，鮮嫩彈牙，推介！
酸辣鳳爪沙律（$58）份量適中，鳳爪爽滑有嚼口，略嫌醃味不足。
極度推介的泰式炒金邊粉（$56）賣相吸引，份量頗多，有三隻大蝦伴碟，粉質條條分明，煙韌可口，味道酸酸甜甜，很開胃的。旁邊還有青檸和碎花生隨意添加。
整體來說，服務和食物水準也很好。價錢大眾化，經濟實惠，款式選擇多，味道也是不錯！行開旺角，不妨試下，不過記得要預先卜位！
店名：阿來泰式地道風味
地址：旺角通菜街97號地舖
沒有留言:
張貼留言