👍🏻隱世性價比極高質居酒屋😋🇯🇵

朋友住附近，最近比佢發現左間隱世高質居酒屋，午市套餐$48起，包左主食、前菜、沙律、吸物，試業期間仲送汽水，真係性價比極高。

• 午市定食套餐 •

 同朋友一人點左一個午市定食套餐 

包前菜🍆、沙律🥗、吸物🫕、汽水🥤

前菜係茄子，以醬油醃製，軟腍又非常入味😋

沙律唔係用普通菜，係用新鮮上沙律菜配埋粟米，加左大量芝麻醬，超正😜

麵豉湯熱辣辣，入面有豆腐同蔬菜粒，飲完暖笠笠😝

飲品揀左紙包紅茶同綠茶

🍣時令八貫壽司（$68）

八貫壽司入面有齊生、熟、火炙壽司，當中括三文魚、帆立貝、燒醬漬三文魚、燒左口魚、玉子、拖蘿蓉、墨魚和甜蝦

食材係每日新鮮空運到港，三文魚更加係每日即開，絕不隔夜，所以吃到的都係最新鮮。

三文魚真係好滑溜，帆立貝同甜蝦新鮮又厚肉，拖蘿蓉啖啖滋味，燒醬漬三文魚同燒左口魚風味十足，真係食唔停口。

🍲拼稻庭烏冬

再配埋爽彈煙韌的日本稻庭烏冬，烏冬掛湯力十足，仲配埋海帶同鳴門卷，呢個價錢真係物超所值！

🍱四色刺身丼（$78）

拖羅蓉、三文魚、甜蝦、帶子

另外都係人氣之選的四色刺身丼，入面有齊4款食材，拖羅蓉、三文魚、甜蝦、帶子

食材同樣新鮮美味，拖羅蓉份量挺多，最緊要係新鮮又好味，撈上壽司飯食一流。

值得一提，壽司飯的用上的醋是自己調配的，所以吃上來味道更加好。

 • 小食 •

🧀芝士年糕

芝士年糕外層香脆，內裡軟腍，流心芝士一咬而傾，非常邪惡👻

 • 雪糕 •

🍨豆腐口味

🍪曲奇口味

雪糕都係日本直送到港的，奶味香濃，2隻味都咁好食，下次試埋其他口味先。

📌店名：金藏日式料理‘

📍地址：紅磡馬頭圍道23-35號隆基大樓地舖

淺水灣隱世備長炭串燒🍢+壽司🍣

今日同朋友山長水遠黎淺水灣試下呢間隱世嘅日本餐廳。餐廳裝潢以日式半開放式設計，望住個海食野真係好有情調。

餐廳嘅菜式多不勝數，有備長炭嘅串燒、火鍋、刺身丼飯、壽司、日式小食等！好多野食都好吸引好想試😍😍

笑酤卷 ($188）

（天婦羅蝦和炸軟殼蟹）

呢個笑酤卷係店內招牌菜，係必點菜式之一。望到menu 張相都比被吸引，外層係天婦羅脆脆加壽司飯，內餡係脆卜卜嘅軟殼蟹同大蝦😍加埋千島沙律醬一齊食好正😙

芝士鰻魚玉子燒 （$138）

超級邪惡嘅芝士玉子燒🤪🤪質感超滑溜，蛋味十足，配合肥厚的鰻魚，簡直冇得輸😍😍

再叫左2個Lunch Menu

套餐配有配蔬菜沙律、味噌湯、白飯或烏冬

備長炭串燒拼盤（$160）

（雞翼、雞肉蔥、雞軟骨、牛舌、豚腩、豚肉腸）

以備長炭即叫即燒嘅串燒，仲係熱辣辣，燒得好香口。價錢包括左以上串燒每款一串，可以試到唔同嘅野😍

串燒當中以肉質厚實嘅黑豚尤為出色，肉味香濃，燒到有焦香的味道😆

lunch menu 仲配埋蔬菜沙律、味噌湯同烏冬🥰好豐富，烏冬口感好煙韌😍

壽司定食（$380)

（日替壽司8件，加洲卷1條）

壽司愛好者的我們當然要試下廚師發板的壽司定食，8件壽司的魚生都好新鮮鮮甜，好足料。仲有我最愛嘅炙燒左口魚，入口即融架😍😍好正☺️

套餐仲跟左一條8件的加洲卷，內餡豐富，超抵食！

蕨餅（$48）

最後點了一個日式甜品作結。蕨餅口感滑膩而富有彈性，又唔會太甜

😍食完好滿足了🥰

📌店名：笑酤和味炭燒‘

📍地址：淺水灣海灘道28號The Pulse1樓109號舖

🍲高質隱世火鍋海鮮店😋

趁住天氣凍凍地，約埋幾個朋友仔一齊去打邊爐。呢間高質火鍋店係同事介紹，店內環境舒適，地方寬敞，食物質素一致讚好。

====—====—====—====—

同朋友點了個 ▪️◾火鍋海鮮餐◾▪️ （$2280 /4位用），套餐包括鍋底、海立魚刺身一條、海鮮拼盤、本地手切牛肉、極品四色手工丸子、自家現炸響鈴、自選火鍋配料4份、水果及飲品。

🐟海立魚刺身一條

海立魚刺身擺碟精緻美觀，刺身呈淡紅色，白身魚肉，肉質爽口，煙韌有咬口，配酸汁吃一流！

🍲鍋底：

🌶御膳麻辣鍋 拼 🍄味醂野菌鍋

鍋底可以選擇御膳麻辣鍋 、味醂野菌鍋、茶瓜皮蛋芫荽湯、香草蹄花牛鍋、藥膳醉雞鍋。

🌶御膳麻辣鍋香辣惹味，非常濃郁

🍄味醂野菌鍋有多款菇菌，湯底鮮甜美味

🐄本地手切牛肉

本地手切牛肉份量夠大又新鮮，色澤通紅，條紋清晰，油花紋理均勻，入口即化感覺，肉味香濃，高質👍🏻

🦀海鮮拼盤

海鮮拼盤內有蟹、大蠔、蟶子、大蝦。海鮮非常新鮮，厚肉、鮮甜多汁，朋友都食到停唔到口。

🍢極品四色手工丸子

一份有齊店內4款搭牌手工丸子，包括金箔鮮蝦丸子、櫻花蝦豚肉丸子、黑松露花枝丸子和川味麻辣牛丸子，手工制作果然好吃，每一粒丸子都非常足料。

🫔自家現炸響鈴

響鈴即叫即炸，上桌時熱辣辣的，個人喜歡浸在麻辣鍋 中，香辣口味沾在響鈴上

還可以自選火鍋配料4份，份量充足，用料新鮮。

🖤黑柏葉

🥟沖繩墨汁餃

🕊鴨血

🐷爽脆豬腰子

敬送：🍉合時水果、🍷紅酒一支

☕茗茶（每位$18）

🍯火鍋油碟（每位$25 ）

另加一服務費

====—====—====—====—

.

📌店名：醉金渦‘

📌地址：尖沙咀棉登徑17-23號地舖