【🌶天后正宗川菜館🌶】

餐廳環境好舒適，坐位好寬敞，好適合同朋友黎聚舊吹下水。同朋友由7點半坐到10點都冇人趕😬價錢合理。

====—====—====—====—

🌶川北涼粉（$48）

我同朋友都係薯粉控，每次食川菜都會點川北涼粉呢個前菜，涼粉撈埋個辣汁真係好好食，酸酸地，好開胃。

🐟蜀香酸菜桂花魚（$298）

夏天冇咩胃口，最適合食番一啲開胃嘅野啦，我同朋友今次揀左酸菜桂花魚，有分大、中、小辣，而我地就揀左中辣，份量好足，除左桂花魚之外，仲有好多配菜，例如有金菇，芽菜，薯粉。湯底好夠酸，好惹味，不過下次可以嗌大辣🤪🤪啲桂花魚好新鮮，又爽口又滑，最重要係冇咩骨呀😍😍

🥬熗炒手撕包菜（$58）

每次食川菜都會必點手撕包菜，同朋友揀左中辣，味道帶有小小酸甜，好開胃，好適合送飯，炒得好惹味，食到停唔到口。

.

📌店名：蜀香門第‘

📍地址：天后永興街2A-2E號美城花園地下C號舖

😍佔地6000尺 任食即夾即燒生猛流水蝦🦐

位於佐敦6000尺主打即夾即燒新鮮流水蝦+自助串燒放題任食2.5小時，趁住今日放假就同朋友去。

甫到店，就見到長長的登記入座人龍，幸好一早訂位，很快便入座了。店內自助區食物非常豐富，有海鮮類、肉類、丸類、蔬菜類、熱葷、小食、調味、醬料、各式各樣飲品、雪糕等都是任食。

當中更不少得即夾即燒新鮮流水蝦，甫坐下店員便會把流水蝦放到爐子上，不消一會就可享用。

店員更送上一份用錫紙盆盛著的牛油焗蝦

還有每人一串的肥美肉厚大鱔，睇見都流曬口水🤤

海鮮種類非常多，有鮑魚、扇貝、生蠔、魷魚、大蜆、東風螺、魚，而且非常新鮮，仲可以加埋牛油、蒜蓉落去一齊燒，超正！

肉類選擇都好多，多到唔知揀咩好，每樣拎一串同朋友樣樣試少少

蔬菜類有茄子🍆、菠蘿🍍、粟米🌽、翠玉瓜、雞髀菇都係我喜愛的，估唔到仲有窩夫🧇，燒出黎又幾好食

熱葷竟然有辣酒煮花螺，入味又好食😋

涼菜都好特別，有泡椒鳳爪同醃青瓜

飲唔選擇都非常多，2大個雪櫃裝滿各式各樣飲品，🍻啤酒都係任飲

最後仲有雪糕比你任拎任食🍦超級爽！

每枱仲有辣椒粉、味椒鹽同孜然粉比你自行調味。

🍴任飲任食2.5小時🔥加埋一每人大約$380，就可以任食🦐新鮮流水蝦+自助串燒🍢

📌店名：蝦蝦燒‘

📍地址：佐敦白加士街10-24號永富大廈1樓