情人節Teaset

DK又推出新一系列的teaset啦！當得知呢個訊息後，當然馬上卜位同朋友試試啦！我地一行四人，分開2入set。
先來一杯冰凍的”玫瑰花園特飲”或暖笠笠的每日精選有機香薰茶。因為我地叫左2個set,所以揀左一樣一杯。

玫瑰花園特飲入面有好多唔同顏色嘅望住佢人都開心d，因為加左蜜糖梳打，飲落甜甜地，好特別。

 

  當日的有機香薰茶係朱古力薰衣草茶，飲落比較濃味，帶帶少許甘甜。

咸點方面有鬆脆的三文魚酥及花盆造型鹹點
花束般的鹹點有四款口味(共有八個)，包括巴馬火腿、山葵帶子、蝦沙津及呑拿魚沙津。英式鬆餅配以奶油及果醬。

 甜品方面都以柚子和薰衣草為主。有心型朱古力、韓式花瓣薰衣草cupcake及食用鮮花瓣襯托着的柚子cupcake，清新的柚子芝士蛋糕及心型馬卡龍。

最後還有壓軸出場的紫薯雪糕。

玫瑰花瓣曲奇及薰衣草口味日式壓花曲奇係製作用心，親手製作，味道固然很好。

「👁土耳其藍眼」

除左食teaset外，你亦可親手自製藍眼護身符頸鏈及魅力香水。提升您魅力之餘，同時遠離嫉妒的眼光。每位 ＄380(原價＄580)，兩位起，附送心意卡乙張。

🔽象徵🔽
神聖守護之眼

土耳其人深信，只要帶在身上，就能抵擋來自外在環境各種負面的能量。

🏼戴上它，除了能保護自身，更能帶來好運與智慧，更加能夠預防小人對你的嫉妒🤓

不要去羨慕 不要去妒忌
來#DKCuppaTea 先得到這福氣

咁嘅價錢有咁高質嘅食物同享受，絕對係性價比極高！

店名：DK Cuppa Tea
地址：上環新街市街19號地舖
價錢：$298/位（兩位起）記得卜位先

提早過肥年

今日提早同班小朋友一齊食盤菜，係大埔鄰舍社區中心一齊同佢地屋企人、友師、同埋其他社工職員一選提早歡度佳節。

 

我地一共延開19席，揀選了「大歡喜筵席盆菜 」，佢地派左人泥全程幫手，仲借左枱布同枱板比我地，食完仲幫手收拾。

 

至於個盤菜好豐富，由於我地一早開定爐加熱，所以吃上來夠熱辣辣，好正！ 入面有燒鵝、油雞、蝦、腩肉、

鮑片、魚蛋、鯪魚肉、蠔豉、冬菇、豬皮、蘿蔔、腐竹、魷魚等等。

 

 

唔知係未太耐無食的關係，覺得樣樣都咁好味，尤其係魚蛋，彈牙可口，冬菇腍滑入味，豬皮爽口得來又吸收曬d汁，食到停唔到口。 當日大會仲安排左白飯，我撈左盤菜精華一齊食，實在太好味啦，肥幾磅都抵！

 

店名：大歡喜筵席盆菜

地址：元朗教育路74-76號地下

點止串燒咁簡單

 這夜和朋友尖沙咀行開街，順便食埋飯先走。一直都好想試下呢間位於「厚福街」的深宵食堂，所以就決定試下。

 

先來一串燒雞軟骨（$28/2串），雞軟骨微微燒香，帶點香脆口感，咸香味足。

 

日式一口雞（$58）配以沙律醬，雞肉鬆脆嫩滑。

 

芝麻雞翼（$48/4隻）外面鋪滿芝麻，吃上來啖啖芝麻香。

 

雞翼肉質嫩滑，調味得宜，絕對是我的首選。

 

有著「深宵」兩字的芝士蟹肉玉子燒（$78）賣相非常吸引，內層是芝士蟹肉，芝士味道雖不太突出，但仍鮮味美味，惟欠奉流心效果。

 

麻辣牛脷石窩飯（$68）上枱熱辣辣，味道香口。這個麻辣程度實屬小兒科，但頗為惹味，牛脷不韌。

 

日式炒牛手打烏冬（$38）份量不算很多，烏冬質感煙韌彈牙，配以牛肉和野菜多菜小肉的配方，感覺清新健康。

 

店名：深宵食堂

地址：尖沙咀厚福街12號藍馬商業大廈5樓

「真」.杯蛋糕

昨天行開西九龍中心，經過諾亞竟比我見到出左新產品—杯裝蛋糕。

 

這並非一般的cupcake，而是「真」.杯蛋糕， $48一杯，$88兩杯，吃完後杯子可留為紀念。杯子厚而重，能夠看到忌廉哥可愛的兩面，價也是不錯的。

 

杯子可以放入微波爐叮，叮完後，流心緩緩流出，很美味呢！

 

另外還點了個香芋輕芝士蛋糕（$128），雖然這個沒有流心效果，但粉紫色的外觀，已足以迷到一眾少女們。

 

 

 蛋糕是用了澳洲忌廉芝士、鮮忌廉、日本海藻糖、德國鮮奶、有機雞蛋、香芋及糖霜。

 

新鮮香芋泥配合幼滑忌廉口感細嫩，濃郁的香芋口感實而濃稠。底層是芝士蛋糕，淡淡的芝士香清淡健康。

 

店名：諾亞半熟蛋糕專門店

地址：深水埗欽州街37號西九龍中心1樓128A舖

韓式蓋飯

朋友友灣仔上班，今天難得同朋友午餐相聚，當然叫地膽介紹一下。 首先叫左一個韓廚辣烤肉蓋飯（$58），味道辣辣地，入面有烤肉、泡菜、芽菜等配料，食落都算係咁啦！

之後再點左個傳統炸醬伴麵（$59），炸醬份量頗多，麵質爽口，但係食落竟然唔夠味，好淡，唯有叫侍應比碟辣椒醬，加左味道好左少少。

每人還有一小客泡菜 另外加$18仲可以加小食同飲，唔加店員麵會比杯熱茶你。 店名：韓廚麵 地址：灣仔駱克道128號麗駿酒店二樓

工廈私房菜

朋友都大力推薦這間位於觀塘工業區的私房菜，於是這夜一行8人放左工一齊試試。

樂融和.伴八人餐，$298位
有機沙律菜伴芝麻醬

採用的有機菜，門口擺放著茂盛的農作品，原來它們是在農舍取苗再擺放幾天然後食用。
嫩綠爽脆，入口清新，芝麻醬伴上微微芥末味道，味道不錯！

川味手拍青瓜酸酸甜甜頗開胃。

涼伴萵筍絲爽脆可口。

茶燻流心蛋伴黑魚子醬配厚切茄子賣相超級精美，糖心的流心蛋伴上名貴的黑魚子絕對邪惡度十足，不要忘了底下的惹味醬汁，非常開胃。

燉湯方面有8盎，共3款口味，燉哈蜜瓜螺頭黑毛豚肉湯（3）、燉姬松茸淮山甘筍湯（2）、燉川貝陳皮海底椰鱷魚肉湯（3）。

我選了化痰止咳的燉川貝陳皮海底椰鱷魚肉湯。燉湯夠熱，湯頭清甜，湯料豐富，肉質頗滑。

嬉水芙蓉是用甘筍汁製成蒸蛋，再配上微微煎香的帶子。帶子厚肉嫩滑，蒸蛋滑溜易入口。

黑松露醬炒斑球用了一個非傳統的製作方法，加入了黑松露令斑塊更香更惹味。

魚質嫩而有嚼口，底下還有蜜豆和菇呢！

清酒鮑魚是冷盤來的，像刺身一樣，有冰盛住，一盤八隻飽魚非精吸睛，而且這並非鮑魚這般簡單，而是加入清酒的。

吃上來一陣花雕的香味，肉質滑而有嚼勁，一點也不韌。

茶王燻雞可算是最為特色的一道菜色。師傅解釋他們用的是冰鮮雞，但工序相當繁複，過程差不多要六個小時呢！
雞肉肉質鮮嫩，煙燻味道尤為突出，吃上來非特別，還有點像煙肉味道。

鮮魚湯浸溫室菜苗的湯頭清甜可口，吃一口菜再配一啖魚湯，多麼享受！

農坊獨頭糖心黑蒜炒飯味道頗為濃，炒飯調味不錯，粒粒通透，入面還有帶子等配料呢！

甜蜜美滿慶團圓
這個甜品雙拼是一熱一凍的，分別是炸紫薯球和雪糕。

雪糕有4款口味，分別是雲尼嗱、朱古力、綠茶和芒果。身為matcha fans 既我當然揀綠茶口味啦，雪糕圓圓的，結實且夠凍，味道也不錯呢！

整體來說，味道是不錯的，而且每道菜也非常特色，惟略嫌份量太少，如能多一點就好了。

店名：三姐廚房私房菜
地址：觀塘官塘工業中心3期4樓L室