每日之星好優惠

對上一次來已是去年十月了，今日收工之後好想食辣刺激一下味蕾，就約了個好朋友一齊來接受挑戰！

打開餐牌，仍發現⭐️每日之星⭐️，就是每日兩款指定小食特價。

🐄涼拌牛柏葉（$38）🌶

牛柏葉冰涼爽口，底下有青瓜絲，配上辣汁味道一流！

另一款是海蜇脆耳（$38）🐷

海蜇爽脆可口，脆耳卜卜脆，底下配上切絲青瓜，辣味足夠！

口水雞套餐（$68）

口水雞有脾位，肉質夠嫩滑，醬汁夠香，辣味適中。

夫妻肺片套餐（$68）

夫妻肺片入而有牛肚、牛展、牛肺等等，夠嫩又香。

蒜泥白肉套餐（$68）

蒜泥的香味甜甜地，帶蒜蓉香，配在嫩滑可口的白肉上簡直是最佳配搭。蒜泥撈在酸辣粉上味道一流！

酸辣粉

配上肉碎、花生、芫茜、蔥等非常香口，粉條圓圓的口感煙韌彈牙，非常好吃

配以下的麵類加$7

涼拌炸醬晶絲薯粉

晶絲薯粉比酸辣粉粉條幼細，食落比酸辣粉更為煙韌，作為涼拌一流

重慶炸醬涼麵

涼麵質感爽滑，份量夠大，配上肉碎、花生、蔥、芫茜、青瓜絲等材料🤗

配熱飲加$3，凍飲加$5，特飲半價

店名：傷心酸辣粉

地址：銅鑼灣記利佐治街1號金百利廣場5樓R3室