平價buffet都有生蠔食

見價錢唔算好貴(around $200) ,而且算幾多野食, 咁就泥試下啦! 起初都抱住試下的心態, 唔多抱有太大期望, 因為始終覺得自助餐梗係去酒店食先過癮,不過食完之後完全覺得可以再泥過,因為咁的價錢有咁多野食出面好多酒店buffet係做唔到呢個價錢!

一去到,朋友同我地講今日有生蠔食, 後來得知星期二和三先有生蠔供應, 真係好好彩。滿心歡喜出去夾生蠔,點知無曬! 過左一陣, 侍應又拎左兩盤出泥,其實都refill得幾快,一見無曬就會refill, 味道都算幾新鮮。而其他冷盤仲有蝦、蟶子、長通粉沙律等等。

而熱盤方面, 個人認為不太岩自己口味, 牛扒、豬頸肉、即叫即製拉麵、吉列蝦、南瓜餅、德國腸仔、mini pizza、菜、咖喱牛腩、芝士焗蠔……個人認為咖喱牛腩同芝士焗蠔較為突出, 牛腩炆得好腍又夠入味,而焗蠔味道亦好香。
而另一張枱亦都有煙三文魚、芝士、鴨胸、麻醬豆腐、螺肉、中華沙律、冷麵、溫泉蛋等等,推介溫泉蛋, 入口滑溜溜, 味道岩岩好。
而壽司選擇最驚喜係有火焰三文魚同一些特式卷物, 因為平時出面自助餐好少會食到,而且味道都幾唔錯架!至於刺身有: 三文魚、甜蝦、希靈魚、墨魚, 最好就係可以一次過持曬, 唔洗分幾次拎。

甜品方面, 推介焦糖燉蛋、一口林明頓同紫米露。焦糖燉蛋面頭的焦糖好脆口, 好味到一口氣食左2杯。值得一讚係所有甜品都係用上一個小杯盛裝, 岩曬咩都想試既我地。
店內環境都算幾舒適, 座位的擺設同一般自助餐大同小異。整體非常滿意,可以再泥!

 

西宮
元朗開心廣場6樓

                   

                                                                                                                                              

                   

0