台式小店

最近同幾個朋友行開九龍城,經過一間以吃台灣菜為主的小店，見餓餓地就同朋友入去坐低
原來呢間店開左兩個月倒，所以睇上去都幾新淨衛生。

裝修幾簡約舒適，有少少似去左cafe，食物質素都唔錯，由於個日太肚餓關係，同朋友叫左好多食物，包括有滷汁台式拼盤(油雞中翼、滷蛋、滷豆腐、滷肉、滷豬手)($88) 、台灣紅燒牛肉麵($65)、滷肉飯(半肥瘦豬肉($54) 、蠔仔泡飯($55) 。

食物方面，台式拼盤味道頗不錯的，味道入味而且不膩，尤其是豬手，口感煙煙韌韌。牛肉麵麵條質感較腍，不夠爽滑。滷肉飯係我最愛的食物，滷肉汁同肉好入味，好易入口，配左少少碎蘿蔔乾，開胃又好味。蠔仔泡飯份量都幾足夠，用一個的湯碗上，而且幾足料，味道其實都唔錯，如果可以加埋大地魚就仲更加惹味。

甜品方面，我們點了士多啤梨窩夫($58)。窩夫好似海綿蛋糕咁，上面放左士多啤梨雪糕，周圍佈滿了朱古力彩針、cream、士多啤梨和士多啤梨醬，非常吸睛，用泥呃like一流。味道沒有賣相那般驚喜，就像吃士多啤梨蛋糕一樣，建議大家可以同幾個朋友share，因為都幾飽肚架。另一個甜品就係叫古早風味涼粉冰($26)，可以揀甜奶/花奶/糖水，topping係自由加配，選擇種類接近20款，價錢由$5-$15不等，因為好多野都想試我地揀左好多材料，有爆珠($7)、鮮什果($16)(士多啤梨、木瓜、芒果、藍莓)綿花糖($5)、椰果($8) 、豆腐花($8)等等… …感覺非常清新，而且好解渴。

至於飲品方面我揀左朱古力可可恐龍($35)，而朋友就揀左香X珍珠($27) 。我覺得兩杯都唔錯，不過前者較為出色一點。喜歡那層厚厚的可可粉，配以凍冰冰的朱古力，配埋一齊真係好match又好味，老實講出面好少有呢個可可恐龍飲，就算有都沖得唔好飲，所以呢個飲品我非常滿意。

整體也非常滿意，雖然食物不是特別出色，但環境是非常悠閒舒適，讓客人有種真正放鬆的感覺，而且這裡的員工亦非常友善有禮，我們的要求都能一一辦妥，絕對加分。

蜂茶台灣料理及甜品

九龍城衙前圍道74號地下

                   

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

香芋珍珠,朱古力可可恐龍 HK$ 35

 

 

 

 

 

 

 

       

           

         

蠔仔泡飯 HK$ 55         

滷肉飯 HK$ 54

 

台灣紅燒牛肉麵 HK$ 65  

 

 

 

 

 

 

士多啤梨窩夫 HK$ 58   

  

 

          

 
 古早風味涼粉冰 HK$ 26
              
   

       






























 

  

 

 

 

 

 

 

 

 

 

 

 

 

 

 

 

 

 

 

                       

           

       

    

 

 

蠔仔泡飯 HK$ 55               

                   

       

滷汁台式拼盤 HK$ 88               

 

 

 

 

 

       

    

 

 

 

 

 

 

           

 

 

 

 

 

 

 

 台灣紅燒牛肉麵 HK$ 65                       

 

            

 

 

 

 

 

士多啤梨窩夫 HK$ 58                          

 

 

     


























古早風味涼粉冰 HK$ 26