👍🏻😋有格調抵食慢煮西餐

呢間西餐嘅環境好有格調，而且裝修得好靚好有設計特色，座位寬鬆，啱曬一班朋友黎吹下水。

價錢方面都好平民，仲要免收加一，真係好抵食呀😆

====—====—====—====—

🍄🍠黑松露蕃薯條（$58）

呢個炸蕃薯條配埋黑松露醬，食完一條之後就不斷食到停唔到口。本身以為炸蕃薯條會好乾，點知點上黑松露醬會帶黎一個好驚喜嘅感覺！

🍗微辣鹹蛋黃單骨雞翼（$68/8bones)

好香咸蛋黃味嘅雞翼，炸皮唔會太厚，食落好juicy，再加上有少少香辣味，好match，好好味。

🍕意大利香腸鮮菠蘿薄餅（$68）

呢個pizza真係必叫之一，真係好好味！呢個pizza同普通pizza有分別，佢有好多芝士🧀，啱曬芝士控嘅我地🥰pizza上仲有香腸片同新鮮菠蘿，出面嘅pizza係用罐頭菠蘿架！所以呢個價錢食到呢個pizza真係好抵呀，重點係好好食呀！😝😝

🐄美國安格斯特級平鐵牛扒（$118/8oz）

近期好興嘅慢煮法，今次嗌左呢個慢煮牛扒好正，5成熟，整得啱啱好。再加上慢煮嘅關係，鎖住牛扒嘅肉汁，肉質好嫩滑，又有肉味。再配埋黑胡椒同海鹽嘅調味，好夾。仲有青瓜🥒同黃椒做配菜，好味到連配菜都食埋🥰

🍹凍水果茶（$42）

呢杯水果茶唔會太甜，啱曬怕肥嘅我😀有好香嘅茉莉花茶底，配上各款新鮮水果，有藍莓🫐，芒果🥭，菠蘿🍍等等，好正呀😝

🍦Haagen Dazs雪糕（$13/杯）

只要堂食就可以嗌$13蚊一杯嘅Haagen Dazs雪糕🍦，有多款口味選擇。我同朋友就揀咗比利時朱古力🍫同士多啤梨味🍓，對出面比真係好平呀😝

====—====—====—====—

.

📌店名：我愛慢煮‘

📍地址：上環孖沙街15-17號孖寶樓地舖