😋新開嘅川菜館 裝修勁high class👍🏻👍🏻👍🏻放左工就同朋友去左試啦！
原盅燉湯，非常足料，味道清甜，上桌時還是熱燙燙的，岩曬喜歡湯水的女士們。
醬汁混合濃郁惹味，配上的芹菜與整體感覺非常配合，而且肺片、腎片等又非常入味，中間還配有切成絲狀的萵筍，是一道出色的涼菜。
雞絲、青瓜和粉皮份量剛剛好，花生醬經過調配後味道更香更美味，均勻吸收在每一條粉皮中。
毛血旺是店內其中一個招牌菜式之一，裡面有黑毛肚、魷魚、火腿、雲耳、萵筍、大腸等配料，以水煮的方式煮食，湯底香香辣辣，配以麻辣的香味，撈白飯食真係超正！
麻香雞是店內另一道招牌菜式，麻香雞是用了清遠雞來造成，所以肉質相對比較嫩滑，而且雞味突出，配以芫荽、香料、芝麻等煮成，風味十足，底下還配有雲耳和萵筍呢！
本以為是一個平平無奇的菜色，豈料豆腐非常滑溜，加入肉碎和辣椒一起煮成，撈白飯食真係一流！
土豆絲炒得非常乾爽，而且炒得香脆爽口，酸辣口味，非常開胃！
花菜就是椰菜花，用上一個煲仔煮食，加入特招、香肉一起煮食，打開後已經聞到非常香，椰菜花索晒辣椒同香肉嘅味道，很好吃！
最後當然要試埋四川嘅甜品啦，紅糖冰粉係四川最出名嘅甜品，冰粉好似蒟蒻咁滑溜溜，加入提子乾、山楂餅等開胃配料，精緻又美味。
值得一提，店內服務非常好，店員會主動為客人加茶，又會主動收拾碗碟，打造一個寧靜又乾淨的環境給客人。
沒有留言:
張貼留言