Mandymanlovefood: 甜品盛會

2016年1月5日星期二

甜品盛會

難得去開油塘，當然要搵下好野食。一search之下就見到呢間Spade Lassana勁多笑笑，而且大獲好評，愛試新野既我當然唔可以錯過。
記得兩年多時在旺角也吃過這間，但當時只吃過意粉，味道不太好，當時還可以加$10換領雪糕，雪糕的確美味，之後一直也想搵日去試下d甜品，但一直無機會。

今次再來，分店不同了，但甜品選擇依稀記得還是相似的。一向喜愛朱古力口味的我當然不會放過朱古力甜品。先揀左一個香蕉朱古力窩夫，窩夫唔算話好鬆脆，但咬落去好軟腍，而且有一陣好香的蕃薯味，好特別。旁邊有香蕉、cream、朱古力雪糕、朱古力脆粒、朱古力脆筒等等，賣相精美又好吃!

另外還點了一個野莓盛會配雜莓雪糕，這個盛會其實是Honey Toast來的，一層厚厚的cream圍在Toast上面，還淋上一層薄薄的蜜糖。切開盛盒，裏面藏著幾粒烘得金黃色的金磚，旁邊有藍莓、紅莓、士多啤梨、百力滋、雪糕等等，雪糕味道酸酸甜甜，有點像yogurt，挺開胃的。

臨走前在雪櫃看到新推出的Crème Brulee Cheese Cake，見到賣相好吸引，決定買個番屋企同家人一齊品嚐。切開蛋糕，淡黃色的cream cheese配上金黃色的焦糖脆面，顏色鮮艷。cream cheese味道很香，是我喜歡的硬的一種cheese，配埋Crème Brulee一齊食味道又幾特別!