🥢精緻中菜 氣派十足 🎊

母親大人生日，當然要食好D，剛好比我揾到最近在銅鑼灣新開的精緻新派中菜餐廳，餐廳💯氣派十足 💡環境舒適 🛋服務一流👏🏻👍🏻

甫坐下，店員做送上小食琥珀合桃，甜香的糖漿包住香脆可口的合桃，很好吃

另外還有一碟自家製瑤柱 XO醬，一絲絲的瑤柱清晰可見，香濃惹味，絕對係媽媽大愛。

====—====—====—====—

今日就讓母親大人自己發辦，想點什麼就由她自己選擇。

🍆胡麻茄子（$78）

胡麻茄子擺碟非精精緻吸睛，茄子切成條狀再砌成正方形後然後淋上大量胡麻醬。

茄子質感軟腍有爽脆口感，配上胡麻醬非常開胃。

🍲海皇酸辣湯（$128/位）

酸辣湯熱燙燙的，用料上乘，有蝦仁、帶子、木耳絲、筍絲、豆腐絲、肉絲等配料，每一啖都是非常足料。

酸辣湯調味剛剛好，酸辣味道調得恰度好處，超好味😋

🍍🥟鳳梨咕嚕肉伴炸雲吞（$198）

這個餸菜配搭夠曬創意，咕嚕肉伴上鮮炸雲吞估唔到又幾match

咕嚕肉肥瘦適中，脆皮不會太厚，醬汁酸甜開胃，配埋新鮮菠蘿鮮甜多汁，酸酸甜甜，很開胃的一道菜

炸雲吞淋上咕嚕肉酸甜醬，入口香脆，雲吞仲包住鮮蝦，正👏🏻

🐸泡椒田雞腿（$228）

田雞是我同媽媽的大愛，估唔到呢度都有得食。

泡椒配埋辣椒一齊煮非常香口，份量夠多，肉質新鮮厚肉，田雞肉非常彈牙，泡椒香味滲入田雞肉內，非常入味，而且辣味後勁很強，惹味無比，喜歡吃辣的朋友絕對不能錯過。

如果食唔到太辣的話，建議可向店員說明。

🥬🦐砂鍋大澳蝦醬唐生菜膽（$138）

呢個砂鍋蝦醬唐生菜煲，除左離遠已經聞到陣陣蝦醬香味之外，仲聽到鍋的「炸炸」聲。

上桌時熱辣辣，見到店員幫我地打開蓋子時都要小心翼翼，因為個鍋真係好熱

一打開蓋蝦醬香味簡直濃罩住整間餐廳，唐生菜爽脆可口，蝦醬的鹹香味滲透在每一棵菜上，超級惹味。

====—====—====—====—

.

📌店名：顏府御膳‘

📍地址：銅鑼灣開平道1號Cubus 5樓