今日同朋友泥到北海道爐端燒食晚飯，聽朋友講呢度食物水準唔錯，而且款式種類又夠多。當晚被安排坐Tatami ，本以為會好唔舒服，但出奇地原來地方幾寬闊，所以坐得都好舒服。
店內選擇款式挺多，由冷盤、小食、浜燒、燒物、以至飯或拉麵、甜品等等也一應俱全，實在令人花多眼亂，挑了好一會兒才決定好！
店內招牌的🔥浜燒海鮮🔥，當然要試吓啦！點左三款唔同嘅海鮮，包括鮑魚、生蠔、大蟶子！
點好菜後，店員就會送上一個浜燒爐子和調味架，裡面有調味煮酒、蒜蓉牛油汁、翡翠螺汁，放在不同海鮮上調味。當中我最喜歡的，就是蒜蓉牛油汁，夠晒香嘛！
海鮮非常新鮮，入口鮮甜嫩滑，彈牙可口，令人回味無窮。
之後還點了一隻 蒜蓉牛油味的大帶子，同樣鮮甜又夠滑，還有很多帶子汁精華，鮮甜無比！
鮮魚魚鮫大大份，外層燒得金黃焦香，魚肉嫩滑，油脂甘香，美味可口，輕輕沾上檸檬汁，已經非常美味！
來一個湯拉麵補充一下澱粉質！醬油湯底濃郁可口，屬重口味之選。拉麵久浸不軟，而且掛汁力非常高，配料還有粟米、筍、木耳、蔥花、溏心蛋、紫菜和豬軟骨，真的非常好吃！
吃完正餐當然要吃個甜品啦！這個甜品內有6粒蜜瓜口味的大福，口感像雪米糍，煙韌可口，還配上蜜瓜口味雪糕、粟米片和紅豆粒，制作成一粒吸睛度頗高的芭菲杯，真的不錯！
沒有留言:
張貼留言